विरल्या सुरात गातो
दाही दिशेस गाणे
ओल्या स्वरफुलांना
का कोरडीच पाने?
दाही दिशेस गाणे
ओल्या स्वरफुलांना
का कोरडीच पाने?
हे एकलेच अंगण
अंधार गर्द साचे
दिव्यात आर्त गीत
गाउ कुणाकुणाचे
धरला मुठीत दिप
विझलाच जन्म सारा
वाहे तरी उगाच
स्मरणांसवेत वारा
आहे धुरात कविता
त्याला जरा कळु दे
विझली उरात तरीही
हातात ती जळु दे
सरणार गीतसंध्या
उरणार श्वास थोडे
कळणार कसे तुलाही
अंतास शब्द वेडे
—एस. के. [ चल विझलेल्या स्वप्नांची..राख जराशी चाळु]
